33灾祸的根源

    流主说：「我相信唔系所有人类都系咁。」

    「哈！」蛇小姐冷笑说：「已经200年啦，经历左一个咁大嘅教训，你地人类学识左啲咩？就系继续为一己私yu而发起战争，继续自相残杀，继续破坏地球，迫其他喺地球上居住嘅生命陪葬。」

    「唔系所有人都系咁！」流主上前说：「就好似我咁，我同我朋友就系四出搵紧一个叫做伊甸园创造器嘅仪器去重建香港。所以，唔系所有人类都净系谂住破坏，有好多人类都依然坚持去重建地球！！」

    「系咩？」蛇小姐问：「咁重建左香港之後又点？」

    流主回答：「之後大家就可以拥有返同战前一样和平安稳同文明嘅生活．．．所以，你收手啦！」

    「和平安稳同文明？你所谓嘅重建，系重建你地人类嘅社会，而唔系地球。人类社会重建左之後，接着落嚟嘅就一定系继续挖掘地球资源，然後制造更多嘅W染、更大嘅破坏、更加可怕嘅战争。」蛇小姐说

    流主一时间无言以对．．．

    蛇小姐续说：「而且，如果真系有依个伊甸园创造器嘅话，一旦落入左坏人手中，一定会变成一个更加可怕嘅武器。所以我更加要喺依件事发生之前，消灭晒所有人类！流主，虽然你好努力，但系以你嘅口才，唔足以说服我。」

    孖根举着锁匙萱的冲锋枪说：「我唔理你讲咩大道理，亦唔在乎个地球会变成点，总之杀左你就一了百了。」

    「你以为杀左我，一切就会完？」蛇小姐转身按下控制台上的一个按钮，那些监察屏幕随即跳到另一个画面

    流主他们看到画面，无一不目瞪口呆．．．画面上显示着其中一个排W仓，那里竟然有一条如一整列火车般巨大，整整数十米长的巨型变种大蛇！！